المميزات

كل اللي السنتر محتاجه، في نظام واحد

من مسح كارت الطالب على الباب، لتصحيح الامتحان، لرسالة ولي الأمر. دي كل حاجة OCD Centre بيعملها.

الحضور

حضور بمسحة كارت، وغياب بيتسجّل لوحده

كل طالب معاه كارت عليه باركود. المساعد بيمسحه بكاميرا الموبايل أو بقارئ الباركود على الكمبيوتر، والحضور يتسجّل بالوقت.

  • تسجيل بالكود أو بالاسم لو الطالب نسي الكارت.
  • «استثناء» للطالب اللي حضر في مجموعة غير مجموعته.
  • قفل الحصة بيسجّل الغياب تلقائي لباقي المجموعة.
  • ملاحظات على الحضور، وغياب بعذر.
حضر
جدول الحضور في تطبيق الموبايل

الطلاب

ملف لكل طالب، وكل بياناته في مكان واحد

الاسم والموبايل وأرقام أولياء الأمور والمدرسة والسنة والمجموعة، ومعاهم تاريخ حضوره ودرجاته.

  • بحث بالاسم أو الكود أو رقم الموبايل.
  • فلترة بالسنتر والمجموعة والسنة الدراسية.
  • إضافة طالب جديد من الموبايل أو من الكمبيوتر.
ocd-centre.com/dashboard/students
صفحة الطلاب في لوحة التحكم
قائمة الطلاب في تطبيق الموبايل

الامتحانات

البابل شيت بيتصحّح بالكاميرا

اعمل الامتحان، ادخّل نموذج الإجابة، وصوّر ورق الطلاب. التطبيق بيقرا التظليل ويطلّع درجة كل طالب.

  • بيتعرّف على الطالب من الكود اللي على الورقة.
  • مراجعة كل ورقة قبل ما درجتها تتحفظ، وتعديل يدوي لو لزم.
  • أكتر من نموذج للامتحان الواحد.
  • تسجيل درجات يدوي للامتحانات اللي من غير بابل شيت.
قائمة الامتحانات في تطبيق الموبايل
1315

لوحة التحكم

المدرس شايف كل السناتر من متصفح واحد

كل اللي بيتسجّل على الموبايل والكمبيوتر بيظهر في اللوحة: الحضور، الدرجات، والطلاب، بفلاتر وتصدير.

  • جدول حضور بكل الحصص، ومعاه عمود نتيجة الامتحان لو حبيت.
  • نتائج كل امتحان، وتعديل الدرجة من اللوحة.
  • تصدير أي جدول Excel أو CSV بالفلاتر اللي اخترتها.
ocd-centre.com/dashboard/exam-results
نتائج الامتحانات في لوحة التحكم

وكمان

حاجات صغيرة بتفرق في شغل كل يوم.

رسائل لأولياء الأمور

اختار حصة أو امتحان، واكتب الرسالة مرة واحدة، وهي تتبعت لولي أمر كل طالب باسمه وحالته.

رفع وتصدير Excel

ارفع الحضور أو الدرجات من ملف Excel، وصدّر أي جدول قدامك Excel أو CSV.

صلاحيات لكل مستخدم

حدّد لكل مساعد اللي يقدر يعمله: تسجيل حضور، تعديل درجات، أو إدارة الحصص.

سناتر ومجموعات ومواعيد

أكتر من سنتر، وكل سنتر بمجموعاته ومواعيده الأسبوعية وحصصه.

تجميد الطالب

وقّف طالب مؤقتًا مع سبب التجميد، ورجّعه في أي وقت من غير ما بياناته تضيع.

سكانر مستندات

صوّر ورق الإجابة بكاميرا الموبايل والتطبيق يظبط حدود الورقة ويحفظها واضحة.

ربط بمنصة المدرس

لو عندك منصة أونلاين، بيانات الطلاب ومشاهدات الفيديو بتتسحب وتظهر جنب الحضور.

شغّال من غير إنترنت

التطبيق بيكمّل تسجيل من غير نت، ويرفع كل حاجة أول ما الاتصال يرجع.

موبايل، كمبيوتر، ولوحة: بيانات واحدة

اللي بيتسجّل على أي جهاز بيترفع على سيرفر OCD Centre ويظهر على الباقي، حتى لو النت فصل في النص.

عايز تشغّل سنترك على OCD Centre؟

ابعت لنا ونجهّز لك الحساب. ولو عندك حساب، ادخل على لوحتك.